– 52 spelarar frå Egersund i sør til Tromsø i nord

Skrevet av Gunnhild Litlabø • 19. januar 2023

Helga 14. og 15. januar vart NS2 for juniorar arrangert på Stord. 4 lag med totalt 52 spelarar frå Egersund i sør til Tromsø i nord deltok på NS2 for juniorar.

Fire lag deltok i konkurransen: BSI Boblen, Egersund UVK, Stord UVK (med hjelp frå TSI SURK og Haugesund SDK) og Ålesund SDK.

Laurdag starta med innleiande kampar der alle laga skulle møte kvarandre. Det var mykje bra spel, flotte scoringar og god stemning mellom laga.

Etter kampane på laurdag var det sosial samling med pizza, musikk, leik og premieutdeling.

Etter dei innleiande kampane på søndag var det klart for semifinalar. Egersund sikra seg den første finaleplassen med siger over Stord, deretter kjempa Boblen og Ålesund om den andre plassen, der Boblen gjekk seirande ut.

I bronsefinalen vart Ålesund hakket for sterke for eit noko slitent Stordlag, og kampen enda til slutt 6-1. Egersund var ranka som favoritt i finalen, men det skulle vise seg å bli ein svært spanande kamp. Til pause var stillinga 4-3 til Egersund, men i andre omgang drog dei litt meir i frå og kampen enda til slutt 8 – 4 til Egersund.

Det var stor stas for Stord å kunne stille med eige lag på heimebane denne helga, og debuten i Norgesserien var ei svært positiv oppleving for både utøvarar og støtteapparat.
Takk til alle for kjekke kampar, god hjelp med arrangering og stort engasjement!

Me sjåast i Egersund i juni!